हमर अघरिया समाज मूल रुप ले खेती किसानी करोईया समाज ए। लेकिन आज काल के युवा मन पारँपरिक खेती मेँ बढ़ते लागत मजदूर के कमी अउ कृषि उपज के घटते कीमत के कारण खेती छोड़ के अन्य व्यवसाय नौकरी के तरफ आकर्षित होके कई क्षेत्र मेँ अपन नाम रोशन करत हेँ ।
लेकिन कई युवा ऐसे भी हेँ जो लीक ले हट के अपन नाम रोशन करथेँ जेमेँ एक नाम हे हमर डभरा तहसील जिला जाँजगीर के गाँव कबारीपाली के ओमप्रकाश पटेल (बबलू) । जेहर पारँपरिक खेती ले हटके 12 एकड़ मेँ पाम आयल प्लाँट अउ 7-8 एकड़ मेँ करेला टमाटर मिर्च अउ आलू के खेती टपक विधि ले सिँचाई करके लाभ प्राप्त करत हेँ।
ओमप्रकाश के उत्कृष्ट खेती ले प्रभावित होके छत्तीसगढ़ शासन द्वारा उद्यानिकी क्षेत्र मेँ उल्लेखनीय योगदान दे के कारण जाँजगीर जिला ले सर्वश्रेष्ठ कृषक के सम्मान कृषि मँत्री श्री बृजमोहन अग्रवाल जी द्वारा प्रदान करे गिस। ए सम्मान प्राप्ति बर ओमप्रकाश ल बहुत बहुत बधाई अउ शुभकामना।
Written by Vijay Patel
